Húsið..

mitt er hreint! já loksins mætti skúringarkonan á svæðið, kófsveitt skreið hún á hnjánum og skrúbbaði hvern fermeterin af öðrum. Ég ætla að njóta þess að horfa á Júróslefvisjón með kertaljós og KÓK í mínum eigin sófa á meðan aðrir flýja land til að klæðast gullgalla og syngja um Húsin sem hafa augu. Í mínu þorpi hafa þau það og stærri eyru en Eyrnastór.

Dagurinn í stíl við veðrið ...

minnstingurinn vakti alla rúmleg fjögur í morgun, ælandi og spúandi út um allt, passlega þegar allir voru farin í vinnu - skóla þá byrjaði ég líka, ég veit ekkert eins viðbjóðslegt, þvottavélin kúaðist í allan dag.

Gaggalagú

Sé fyrir mér svona eitthvað í líkindum við golfbíl með HANA á toppnum og við hvert hús myndi ég toga í spottann á honum, svona stæling á ísbílnum sem þeytist um á sumrin og selur manni ís í heimskeyrslunni hjá manni. Ég er farin að tala við Thí dog á morgnana þegar hann bíður mín við lúguna, stríði honum aðeins áður en blaðið flýgur í kjaftinn á honum, hló að honum í morgun þegar hann reif í sig blaðið svo ræmur stóðu út um lúguna ;-)

Fari það í hoppandi h......

voru fyrstu orð dagsins í dag sögð klukkan 7.14

Bjössi á mjólkurbílnum ?

Hver ekur eins og ljón með aðra hönd á stýri ?
Hvar ertu jörðin mín ?
Bjarnastaðarbeljurnar baula þær eftir mér ?

Á hæl og tá

Fékk einkabílstjóra í kvöld, hef aldrei verið jafn lengi að koma blöðunum út ;-)
Þorpsbúar blóta þorranum í kvöld, það voru pinnahælspor við hvert hús, skildu margar fá flugferð ókeypis í kvöld ;-)

Rigning

Hressandi að fara út í býtið og láta rigninguna vekja mann. Réðst á mig póstlúga í morgun, ekki í fyrsta sinn.